Mecky 離開錫安的原因

發佈日期: 作者:
藉呢個機會分享吓我離開錫安的見証
 
我91年信主,
約96年到錫安至今年8月10日正式離開共14年.   
到錫安聚會前曾到過唔同的教會聚會, 
穩定返福音派的播道會,浸信會,
一間靈恩派教會,
其實一直在錫安聚會有以下唔認同日華的做法,
以致我咁多年投入唔到的其中之一的原因,
到最後去到不冷不熱要跟住撒但落地獄, 係真的
 
1. 對唔住得罪哂啦！日華,
有時日華講野真係好尖酸刻薄
例如, 改人花名去取笑人如獸聰,
話群玉似男人的女人, 話展明個女唔靚, 等等,
牧師點解講咁拆毁的說話 ??
 
2. 叫我地唔好跟已走的人打招呼及聯絡,
一離開大家即刻變陌路人
 
3. 好多預言都唔準,
單是千年蟲我用咗好多錢去儲糧, 
仲要俾人背後笑,  預言講錫安做緊的事,
就大肆宣揚我地行中神的計劃中
 
4. 成日講錫安會好復興, 教會過萬人,
又話用2012訊息可以帶好多人信主,
但又唔見人數增長
 
 
係唔係好奇怪點解都唔走, 因為以下原因：
 
1. 就係因為被洗腦,
日華話錫安是全香港最好的教會, 
離開錫安幾乎冇救恩
 
2.又唔想冇咗班十几年的好姊妹, 
大家都知在錫安連朋友都少D聯絡, 
我敢講每個離開的肢體. 離開的決定唔容易, 
我地好愛錫安的家人
 
3.一直以來都見到好多姊妹外表生命好好, 
我生命唔好, 因為情緒及工作問題,
我去邊間教會都係死路一條,
因為係我的問題, 我唔委身
 
記得前年我去訪韓參加聚會,
到過祈禱山數千人一起禁食三天聚會, 
神俾我遇到返鍚安前的靈恩教會, 
原來他們好復興我走前只有3個堂會,
現在有6-7, 單是荃灣區只有200-300人, 
現在有接近1000人, 總數己約五干人,  
這個聚會神俾我見到以下2件事, 
當時仍然唔覺得咁迫切要走
 
1. 其實外邊教會真係好復興的
2. 遇返佢地先醒起自己以前係點熱心, 熱心關顧新入組的新人, 參加祈禱會, 做和唱,  帶特別聚會敬拜
 
 
直到2012訊息, 聽到心裏不安, 
年頭聽到日華講二, 三月有第三次大戰及股票大跌,  
去到瑪雅好似算命及紫微,  
當時自己諗轉教會, 抑或什麼教會都唔返呢, 
在思想又未正式行動之際, 神就好快為我預備,
在今年7月11日到如心廣塲聚會後,
同姊妹飯聚唔記得點解會行去干色店搭車, 
因為如心廣塲對面有車返屋企,
去到千色店附近我頭輂輂過馬路,
遇上數年前離開鍚安的姊妹,
佢叫我一起飲杯野傾吓計,
我話錫安走咗好多人,
佢知道因為部份人去左她教會聚會,
當日遇到我之前, 有感動要帶我離開錫安,
但冇咗我電話失去聯絡, 求神希望遇到我, 
冇耐就遇到.  其實果位姊妹講返,
佢都唔知點解行果條路, 是聖靈叫佢行,
原本不應行果條路,  仲奇妙的是,
7月18日靜鷄鷄去外面主日,
竟然碰到家聚姊妹亦靜鷄鷄在這裡聚會, 
她亦是神帶領两星期前到這裡聚會
 
到我7月18日第一次主崇,
感覺不太習慣因為這間教會好活潑, 
但又好感受到神的同在, 
而且有聖經聽(因為錫安好多年冇聖經聽), 
當晚求神俾印証我, 
跟住下一個主日就得到神的印証,
主日為意外醫冶祈禱, 
其中是樓梯跌過受傷,
心裏感受到神提醒 – 是我, 
直至8月10月正式通知家母離開
 
返這間教會直到現在己两個半月啦, 
由不冷不熱被神帶領離開到現在,  
開始返晚禱, 晨禱, 教會的活動,
開始學習做招待, 我生命一個大反轉,
有出死入生感覺。
 
返晚禱時才知道,
教會會去國內不同地點搞聚會, 
心裏想這才是真正拓展神的工,  
好想參予其中, 做搬櫈仔都冇所謂,
遲D會參加國內短宣, 
並且個半月前我加入了小組,
由一個有先知恩賜的牧師帶領,
她教我們先知祈禱, 
為我們每個組員作先知祈禱, 
好讓我們進入神的呼召當中, 
遲下我們好快踏入事奉崗位當中,
感謝神的預備,  新的家, 有神話語，
有神同在,  榮耀歸俾神
 
看到此Blog的鍚安人如果心裏有不安, 
恭喜你, 神要向你說話, 
係時候認真禱告尋求神,   
由我7月25日看此Blog, 確實開始時有些不安, 
心想"唔係嘛", 
 "唔會的, 日華唔係咁的, D全職唔係咁的, 教會唔係咁的",   我接受唔到囉

 , 

再安靜反思以下錫安的問題及向神祈禱,
心裏面就有平安
 
1. 點解教會牧師要24小時保安, 
 外面幾千人及過萬人教會牧師都冇, 
連做牧師都要保安,  
黑社會D陀地都唔係次次有保鑣保護,
唔係點會俾人斬死. 
有問題 . 什麼原因
 
2. 外面教會牧師好親切,
同會眾打成一片, 一起作神的工,  
點解我地以前只可遠距離望到,
而家直成望住營幕添,
有時他們一家走近, 巳經覺得好開心,  好感動。
 
3. 我到錫安聚會14年,
但外面好多教會好復興,
過萬人教會分7-8堂主崇都有, 人地以倍數增長
 
4. 在錫安頭幾年講聖經好正,
回想唔知幾多年冇聽聖經, 
聖經是神的話, 窮一生都未必完全明白,
教會都唔講聖經.  邊度講 ??
 
5. 瑪雅知識是用過萬生人獻祭,
同撒但換取得到的,  點解要研究, 
教會唔研究聖經, 反而研究撒但知識
 
6. 認識2012, 瑪雅, 松果體etc,
對我認識神, 愛神有什麼幫助
 
7. 究竟D全職做D咩,
因為除咗做Zion Daily 及裝修外,
真係唔知做咩, 外面教會全職都好忙,
因為好多神的事工要做, 如國內宣教,
舊教會四川地震有帶物資上去賑災, 
錫安有冇試過
 
8. 神要的和睦同居,
合一唔係淨係錫安弟兄姊妹,
神的地上的家只有一個,  只要你跟從神, 
大家就是一家人, 唔係好似而家成為陌路人
 
9. 點解Forum活動, 姊妹要夾道歡迎D策略家,
送花攞簽名， 同時下追星一族拜偶像有咩分別
 
10. 有機會跟離開的肢體接觸, 
她們絕對不像教會所講, 冇救恩, 
正正是她們很愛錫安的弟兄姊妹, 
才會有這個Blog的產生,  希望藉此喚醒錫安人
 
我鼓勵所有仍在錫安的弟兄姊妹,
禱告尋求神帶領,  看聖經, 
連我這個不冷不熱的人神都帶領, 向我說話, 
你們更加可以, 祝福你
Goodnight

在〈Mecky 離開錫安的原因〉中有 23 則留言

  1. 本人 相當 贊同 Mecky 的 witness ,  句句都好 到 肉、 夠 曬 率 直、 有碗話碗、有碟話碟。 話說 回来,  本人特別 邀請 各 位 現役的石記會員,  細心回想一下 單 單 過去一年之内,  日華 講 了幾多次「 劉 的 予言 」:- 口口声声話去年12月 中環 会發生恐 怖襲擊, where? 今年春季蜜蜂 会死 曬, how? 全 球 GPS 会 不 準確, what? 美 金大 跌, rumour? 現在 Planet X 連 影都無, why?
    無 辦法,  因為 以上 全部 都 係 抄習 人地 New ageの 「 假 予言 」,  若果日華真 係 甘懂得 「 聽 神の声音 」,  無理由呉 識 辨別 以上 全部 都 係 New Age D 「 劉 野 」???

  2. 本人 相當 贊同 「 ppqsdxyoxhqgs 」的意見,  足以 證明日華連 自己的情緒都掌握不到 ，怎可能掌握石記的未來 ?????  如此 那樣,  各 位 死守 石記的 忠心 黨 員、国民,  好大機会 偕同 石記的 光頭 黨 主席一起品嚐父神 的 審判 ???

  3. 中山隆： 昨晩本人和幾十名石記前会友 BBQ,  席上有人親自向我反影許多来自現役石記會員対本人文筆的投訴。‧‧‧‧本人現誠意地向以上 mention 過一切有 Hard Feeling 的人士 seek for your forgiveness.
     
    Littlesheep ： OK 喎！我個人完全沒有因你的文筆而覺得任何不舒服！也不覺得你文筆有任何問題！
     
     
    坦白、率直、正義、說話到位、有 gentleman 風範的 中山隆弟兄， 小妹認為 您極無必要為了迎合那批執迷不悟、甘願被 瑪雅錫安大王繼續洗腦賣命、 甘願死命去跟從撤但使者、願意捨 棄永生的愚拙人去 say sorry & ask for their forgiveness 。小妹我亦如 Littlesheep 所言：「 OK 喎！我個人完全沒有因你的文筆而覺得任何不舒服！也不覺得你文筆有任何問題！」
     
    Your nature is unique ， you are a man of character in Christ 。 Please go on your own way & ignore those nonsensical critics from the sinful Maya-zion ！

  4. Dear Antistonesafe 弟兄 ：
     
    首先，小妹衷心多謝您對 2012 歪理訊息的全面點破！您所作的，絕對是一個相當具備有說服力及能夠正面擊倒 2012 歪理的網上媒介。
     
    關於您的作品集，小妹可否道出一「積極的、屬好羊」的提議去配合 瑪雅錫安大王的所有 2012 Youtube Video Posts’ Titles ？
    i.e. 考慮將《錫安教會主日信息： 2012 榮耀盼望 – 梁日華牧師》更正為《 瑪雅錫安異端教會 週日信息： 2012 榮耀盼望 – 撤但的受膏使者梁日華》。
     
    請考慮考慮！

  5. 凡有耳的，就應當聽～～
    　
    其實神必引領屬祂的羊群，因天父是好牧人～～
    　
    ｍｅｃｋｙ姊介唔介意講妳之前是番那一個家聚的？
    　
    因你的見証何能幫到一些只有你能接觸到的屬靈家人～～
    　
    恭喜你～～
     

  7. 本人対 Mecky有進一歩的共鳴:-
    日華要 24 小時保安 , 皆 因他 心裏並沒有真正の平安, 甘願聽從撒旦, 引導神の小羊歩 入歧途, 並楽意犧牲他們的救恩。 日華要會眾和他保持距離,    皆因害怕比大家識穿自己都不再有神の同在,   更依賴那些草根全職撐他去迷惑神羊。　　 錫安最鐘意吹自己有幾復興 ,  過吹左十幾年都呉見人數過万的烏托邦。 在錫安頭幾年講聖經好正 ,  皆因那時日華重懂得抄外国教会野。　 美其名錫安掛着教会的皮, 骨子裏充滿撒旦の心。 当現役的石記會員還以為跟隨神人係需要他們認識 2012、 瑪雅、 松果體, 實情係認識邪惡の道正帯他們奔向冥府。 一句講曬石記 D 全職の存在價值僅僅為左服事「日華一家三口」, 和福音事工無任何關係。 対日華来講,   石記係全地唯一得救的組織, 唔返石記自然成為陌路人。  Forum 活動 , 姊妹要夾道歡迎 D 策略家 ,  送花攞簽名, 同時下追星一族拜偶像 exactly無咩分別。 阻止石記現役的會員有機會跟離開的肢體接觸,係預防大家識穿日華の大話。

  8. 「看到此Blog的鍚安人如果心裏有不安, 
    恭喜你, 神要向你說話, 
    係時候認真禱告尋求神,   
    由我7月25日看此Blog, 確實開始時有些不安, 
    心想"唔係嘛", 
     "唔會的, 日華唔係咁的, D全職唔係咁的, 教會唔係咁的",   我接受唔到囉  , 
    再安靜反思以下錫安的問題及向神祈禱,
    心裏面就有平安」
     
    關於Mecky以上的一段說話，我有些分析，如下：
     
    對不知內情的人，確實是難以接受，但Mecky選擇以 她自己的眼精所見到的事實 ， 以她自己的耳朵聽到的 來對比這個blog所發表的，她從心裡就會明白過來。
     
    她不是用一些 只有我們所發表的 不為平信徒知的事實來定準，因為這是一面之詞，縱然是事實，但以要有人証和物証來說，這不是最有力的証據。
     
    希望大家都參考Mecky的見証和聖經的真理來辯別真假和神在您身上的心意。

  11. 非常好既一個見證,我們愛yw,愛石記既弟兄姊妹,但對不合乎聖經既教導,絕不妥協!
    石記既弟兄姊妹,向神禱告吧,求神向你說話,離開或流低,神會用不同既渠道指示你當行既路.要順服神既帶領,而唔係人既道理.

  12. To  風煞 ~ 個標題呢, 都想過很多次了 我想改到有鍚安字眼的，從而可被youtube system定作related video.. 即人們在看2012主日時, 就會在傍邊看到我們, 不過，試左 不知是我理解錯, 還是他們2012主日數量太多, 我的想法吾work!~ 現在哩個style的標題，不用錫安字眼，and 不用取笑或怒罵的字眼  1.可免人們覺得我們在替他們宣傳 2. 改得溫和點  on記大家不會太反感  佢地不看我們整來就小了意義了 我也想一些去到盡d的名, for example: 2012鬼五馬綠主日信息之:  YW 陰d陰d   陰走曬你d救恩 or   YW 2012全心為你主日信息之: 愛你愛到害左你 or   玻璃海YW看世界之 齊來學newage  救恩fly away

  14. Mecky 2010-10-02 23:25
    To : Francis,
     
    我返 11A 安仔家聚,  我地家聚已經離開共8人,  2人沒有返我地教會
     
    為你們感謝神，有時得閒上來報告下近況也好～～ｃｈｅｅｒ～～

  17. "  現在 Planet X 連 影都無, why?  "  <–除左呢點我唔同意之外 其他字愈睇愈覺得,唔係ma, 正如文中所說的感覺…不知如何是好…
    [版主回覆04/24/2011 17:37:00]事實就是事實，錫安的信徒，老實說：信的已不是聖經的原意了，是加了梁日華的主見。

  18. 不太認同呢！其實有一些是不是你理解錯誤？因為麻麻牧師真為我們做了很多事情，也為我們犧牲了很多。
    [版主回覆07/27/2011 11:42:00]日華不是為你們做事，他是為自己，也不是為神，不返教會又怕死的牧師，根本稱不上是牧師，他根本沒有為你們犧牲什麼。謙卑的牧者不會常提自己付出了多少，也不會要人念紀他的豐功偉蹟，你根本不太熟悉聖經，容易被騙的就像你們一知半解的羊群，勸你快些早走早著，否則將來必覺得為時已晚，落得不能翻身的地步。
     

  19. To :憧憬
    凡事都講證句，我們好多人都係親身見過日華邪惡一面的，你同日華傾過計未？你番錫安日子短，未看深就就。他們常常講大話的，向什麼人就說什麼大話。你想試試的話，只要告訴你家主接觸過我們就可試試他們的邪惡

  20. To 憧景：
    我初初都以為"麻麻＂是那樣的好。因為人人也是這樣說。
    後來走時，很失意，因盡了努力也達不到"麻麻"的神的標準。
    經很多轉折的途經，認識了一些前教友才了解多些真相。
    教會有很多間. 建議你走出去看看.

  21. To : 憧景
    你們太單純,  你們心目中木c的所有陰謀論, 古靈精怪野其實都係係d書本, 電台, 討論區copy and paste 的.
    你睇下HK dicuss 便可以.
    http://www.discuss.com.hk/forumdisplay.php?fid=243
    當中有好多人已經清楚搵到, 解釋到.   好似ELENIN咁.
    你用心看多點自己都可以知道是與否.
    http://www.discuss.com.hk/viewthread.php?tid=14792891&extra=page%3D1
    係討論區, 你可以見到錫安人知道真相便無語更加唔再出聲…….其實大家都想什麼事清清楚楚.
     
     
     
     
     
     
     

發佈留言